Абай облысында Ішкі істер министрлігі Ардагерлер кеңесінің төрағасы Өмірзақ Болсамбеков Абай облысы бойынша ҚАЖД ардагерлерімен және жеке құрамымен кездесу өткізді.
Іс-шараға Қазақстан Республикасы ІІМ кадр саясаты департаментінің ерекше тапсырмалар жөніндегі аға инспекторы Есжан Арыстанов және Абай облысы бойынша ҚАЖ департаментінің бастығы Ғалымжан Балтабаев қатысты.
Өткізілген кездесудің басты мақсаты – ардагерлермен тәлімгерлік мәселелері бойынша белсенді өзара іс-қимыл жасау және олардың жас ұрпақты тәрбиелеудегі құнды тәжірибесін пайдалану.
Төраға біздің елімізде ІІМ ардагерлеріне тұрақты негізде қажетті қолдау көрсетілетінін, сондай-ақ материалдық және әлеуметтік көмек көрсетілетінін атап өтті.
– Абай облысы бойынша ҚАЖ департаментінде барлығы 549 ардагер бар, ең үлкен ардагер – 90 жаста, ал ең жасы – 36 жасқа толды, – деді Абай облысы бойынша тәлімгерлер кеңесінің төрағасы Мұратқазы Ахметжанов.
Департамент бастығы мен ардагерлер төрағасы өткізілген кездесу үшін кеңесшіге алғыс білдіріп, оған зор денсаулық тіледі.
Источник : https://www.gov.kz/memleket/entities/duisabai/press/news/details/972070?lang=kk
Добавить комментарий