Республикалық экологиялық «Таза Қазақстан» акциясы аясында Есіл қаласында қала аумағын санитарлық тазалау, абаттандыру және күтіп ұстау бойынша кешенді жұмыстар жалғасуда.
Маусым бойы көшелер мен қоғамдық аумақтарды тазалау, қоқыстарды жинау және шығару, стихиялық қоқыс орындарын жою, арамшөптерді шабу, жасыл желектерді күтіп-баптау және жас ағаштарды суару жұмыстары жүргізілуде.
Қоғамдық пайдаланудағы аумақтарға, жол жиектеріне, жаяу жүргіншілер жолдарына, тұрғын үйлер мен қалалық инфрақұрылым нысандарының маңындағы учаскелерге ерекше көңіл бөлінеді.
🌿 🌿 Тазалық — баршамызға ортақ жауапкершілік.
Алайда қаладағы тәртіпті тек коммуналдық қызметтердің күшімен қамтамасыз ету мүмкін емес. Бұл ретте тұрғындардың, кәсіпкерлердің, ұйымдар мен мекемелердің атқаратын рөлі зор.
Құрметті Есіл қаласының тұрғындары!
Үй маңындағы аумақтарда, аулаларда, кіреберістер мен жеке тұрғын үйлердің маңында тазалықты сақтауға, қоқысты белгіленбеген орындарға тастамауға және жасыл желектерге ұқыпты қарауға шақырамыз.
Сондай-ақ барлық меншік нысанындағы ұйымдарға, кәсіпкерлерге, мекемелер мен нысандар басшыларына бекітілген және іргелес аумақтарды тиісті деңгейде күтіп ұстауды: уақтылы тазалау, шөп шабу, қоқыстарды шығару, қасбеттерді, қоршаулар мен жасыл желектерді күтіп ұстау жұмыстарын қамтамасыз етуді сұраймыз.
Таза қала әрбір нысанның таза ауласынан, көшесінен және аумағынан басталады.
Есіл қаласы коммуналдық қызметтердің еңбегінің арқасында ғана емес, әрқайсымыздың ортақ жауапкершілігіміздің арқасында да таза әрі көркейе берсін.
Таза Қазақстан — таза Есіл!
Бірге таза қала қалыптастырайық!
Источник : https://www.gov.kz/memleket/entities/aqmola-esil-esil/press/news/details/1276403?lang=ru
Добавить комментарий