“Оңтүстік Қазақстан” облыстық қоғамдық-саяси газетінің жүлдесіне арналған қазақ күресінен дәстүрлі 63-турнир жоғары деңгейде өтті. Бұл додада Маяқұм ауылының палуандары өз шеберліктерін паш етіп, үздік нәтижелерге қол жеткізді.
Атап айтқанда, Оңласын Тілеубергенұлы, Берік Құдайбергенов және Жолдасбек Бектұрсынов жүлделі орындарды иеленіп, туған ауылымыздың намысын абыроймен қорғады. Олар тек жеңіске жетіп қана қоймай, қазақ күресінің мәртебесін көтеріп, жастарға үлгі бола білді.
Бұл жеңіс — табандылық пен тынымсыз еңбектің, сондай-ақ ауыл спортына деген жанашырлықтың айқын көрінісі. Палуандарымыздың әр белдесуі жанкүйерлерге ерекше рух сыйлап, ауыл тұрғындарының мерейін үстем етті.
Ауыл әкімі Р. Ілесбек палуандарымызға қолдау көрсетіп, жанкүйерлік танытып, олардың жетістіктеріне қуаныш білдірді. Мұндай қолдау жас спортшыларға үлкен мотивация беретіні сөзсіз.
Источник : https://www.gov.kz/memleket/entities/turkestan-otyrar-mayakum/press/news/details/1228210?lang=ru
Добавить комментарий Отменить ответ