Атырау облысы полиция департаменті бастығының орынбасары, полиция полковнигі Ернар Базаров №5 мамандандырылған балалар-жасөспірімдер спорт мектебінің директорымен өзара ынтымақтастық туралы меморандумға қол қойды. Негізгі мақсаты – отбасы институтын нығайту, отбасылық жанжалдар мен тұрмыстық зорлық-зомбылықтың алдын алу, сондай-ақ зардап шеккен тұлғаларға құқықтық-ақпараттық қолдау көрсету және агрессорларға психологиялық көмек беру.
Меморандум аясында Атырау облысы полиция департаментінің қызметкерлері ай сайын ажырасу сатысындағы отбасылармен, сондай-ақ агрессор тұлғалармен профилактикалық бағыттағы семинарлар мен тренингтер ұйымдастыратын болады. Бұл шаралар қоғамдағы отбасылық құндылықтарды насихаттауға, құқықбұзушылықтың алдын алуға және азаматтардың психологиялық тұрақтылығын арттыруға бағытталған.
Источник : https://www.gov.kz/memleket/entities/mvd-atyrau/press/news/details/1222662?lang=kk
Добавить комментарий Отменить ответ