Қадірлі Ұлы Отан соғысының ардагерлері, тыл еңбеккерлері! Ардақты ер-азаматтар!

 

   Сіздерді 7 мамыр Отан қорғаушылар күні және 9 мамыр Ұлы Жеңіс күні мерекелерімен Қызылорда қалалық мәслихаты атынан құттықтаймын!

   7 мамыр – ел тыныштығы мен қауіпсіздігін қорғауды қасиетті борыш санайтын ер азаматтарға құрмет көрсететін күн. Бұл мереке – батырлық пен отансүйгіштіктің, ерлік пен жауапкершіліктің айқын көрінісі.

   9 мамыр – барша халқымыз үшін аса қастерлі күн. Бұл – майдан даласында ерлікпен шайқасқан ардагерлеріміздің, тылда еңбек етіп, Жеңіске үлес қосқан жандардың жанқиярлығы мен табандылығының жемісі. Біз олардың ерлігін әрдайым мақтан тұтып, мәңгі жадымызда сақтаймыз.

   Осы қос мереке – өткен мен бүгінді жалғап, ел бірлігі мен бейбіт өмірдің қадірін ұғындыратын ерекше күндер. Бүгінгі ұрпақтың басты міндеті – батыр бабалар аманатына адал болып, тәуелсіз еліміздің тыныштығы мен тұрақтылығын нығайту.

   Осы мерейлі күндер әр шаңыраққа шаттық сыйлап, жүректерге мақтаныш пен сенім ұялатсын! Баршаңызға мықты денсаулық, бақ-береке, елімізге тыныштық пен тұрақтылық тілеймін!