Шардара ауданының әкімі Арман Қарсыбаев Алатау батыр ауылдық округінің жаңадан сайланған әкімі Сәбит Тасовты қабылдады.
Кездесу барысында аудан басшысы жаңа әкімге үлкен сенім артылып отырғанын атап өтіп, ауылдық округтің әлеуметтік-экономикалық дамуын жандандыру, тұрғындардың тұрмыс сапасын арттыру және инфрақұрылымды жүйелі түрде жетілдіру бағытында нақты әрі нәтижелі жұмыстар атқару қажеттігін жеткізді. Сондай-ақ, жүктелген міндеттердің сапалы орындалуы әрдайым басты назарда болатынын айтты.
Өз кезегінде Сәбит Қалдыбайұлы өзіне көрсетілген сенім үшін алғыс білдіріп, Алатау батыр ауылдық округінің дамуына тың серпін беріп, халықтың әл-ауқатын арттыру жолында бар күш-жігерін жұмсайтынын атап өтті.
Кездесу қорытындысында аудан әкімі Арман Романұлы ауыл әкімінің қызметіне табыс тілеп, ел сенімін ақтайтын нәтижелі жұмыс күтетінін жеткізді.
Шардара ауданы әкімдігінің баспасөз қызметі
Источник : https://www.gov.kz/memleket/entities/turkestan-shardarin-audany/press/news/details/1197870?lang=kk
Добавить комментарий Отменить ответ