Қостанай облысының әкімімен белгіленген басым бағыттардың бірі ауыл шаруашылығын дамыту, халықты қолжетімді және сапалы ауыл шаруашылығы өнімдерімен қамтамасыз ету, сондай-ақ жергілікті тауар өндірушілерді қолдау болып табылады.
Бұл міндеттер аграрлық секторды дамыту және ішкі нарықты отандық өндіріс өнімдерімен молықтыру жөніндегі тапсырмалар шеңберінде іске асырылады.
Осыған байланысты ағымдағы жылдың 31 қаңтарында Жітіқара ауданындағы “Ауыл Береке” коммуналдық базарында жергілікті өндірушілердің өнімдерін сату бойынша ауыл шаруашылығы жәрмеңкесі өтті. Іс-шара барысында 1,669 млн теңге жалпы сомасына 1410 кг өнім сатылды, бұл аудан тұрғындарын қолжетімді бағалар бойынша сапалы тауарлармен қамтамасыз етуге себептеседі.
Мұндай жәрмеңкелерді өткізу жергілікті фермерлерді қолдау, ауыл шаруашылығы өнімдерін өткізу арналарын кеңейту және өңірдің азық-түлік қауіпсіздігін арттыру жөніндегі жүйелі жұмыстың бір бөлігі болып табылады.
Добавить комментарий