Талантты жастарды қолдау үшін мемлекет Басшысының тапсырмасы бойынша Мемлекеттік қызмет саласында жаңа тәсілдер әзірленді.
Өзгерістер мемлекеттік грант есебінен оқуын сәтті аяқтаған жоғары оқу орындарының түлектері үшін конкурстан өтпей Мемлекеттік қызметке басшылық етпейтін лауазымдарға түсу мүмкіндігін көздейді.
Аталған новеллалар білікті жастарды мемлекеттік қызметке тартуға ықпал етеді, жас мамандарды аудандар мен ауылдарға баруға ынталандырады, өңірлердегі кәсіби кадрлардың деңгейін арттырады, бұл, әрине, оларды дамытуға мүмкіндік береді.
Толығырақ айтатын болсақ, жоғары және (немесе) жоғары оқу орнынан кейінгі білім беру бағдарламалары бойынша мемлекеттік тапсырыс шеңберінде білім беру ұйымдарында оқуын 3,33 GPA-дан төмен емес, яғни дәстүрлі жүйе бойынша «жақсы» деген бағамен бітірген түлектер оқу бітіргеннен кейін бір жыл ішінде конкурссыз мемлекеттік лауазымдарға орналаса алады, мысалы: қалалар (Павлодар қаласын қоспағанда), аудандар, ауылдар, аудандық мәслихаттар әкімдіктерінің жетекші немесе бас маманы, сондай-ақ Мемлекеттік кірістер, қазынашылық, статистика, ауыл шаруашылығы (АӨК, ВБК) департаменттерінің қалалық (Павлодар қаласын қоспағанда) және аудандық бөлімшелерінде және т. б.
Мемлекеттік қызметтің беделі туралы айтатын болсақ, біріншіден, Қазақстанның дамуына өз үлесін қосу мүмкіндігін атап өту қажет, әрине, отбасы мен достарының мақтанышы болу керек.
Сонымен қатар, мемлекеттік қызметшінің әлеуметтік пакеттің өзіндік ерекшеліктері бар екенін атап өткен жөн, мысалы, 30 күндік демалыс, екі жалақы мөлшерінде сауықтыру үшін жәрдемақы беру және т. б.
Жастарды мемлекеттік қызметке тарту мәселесі бойынша Департамент Павлодар облысының жоғары оқу орындарымен бірлесіп студенттер арасында белсенді жұмыс жүргізуде.
Осының арқасында соңғы жылдары облыста конкурстан өтпей ел игілігі үшін табысты жұмыс істейтін 30 түлек тағайындалды.
Осыған байланысты, бүгінгі таңда мемлекеттік қызметтің есіктері кәсіби даму мен мансаптық өсу мүмкіндіктері бар патриоттық жастар үшін ашық екенін атап өткім келеді.
Дәл осы білімді жастар технологияның жоғары дағдыларымен бірге еліміздің және өңіріміздің дамуына тірек болады.
Мемлекеттік қызметке жұмысқа орналасу мәселелері бойынша мына мекен-жайға хабарласуға болады: Павлодар қ., Жеңіс алаңы, 5А, 410 кабинет, телефондар 8 /7182/ 20-85-06, 20-83-35.
А. Жунусов
ҚР Мемлекеттік қызмет істері агенттігінің Павлодар облысы бойынша департаменттің Мемлекеттік қызмет басқармасының басшысы
Источник : https://www.gov.kz/memleket/entities/ekibastuz-politika/press/news/details/1055815?lang=kk
Добавить комментарий