“ЖЕР-2025” РЕСПУБЛИКАЛЫҚ ОҚУ-ЖАТТЫҒУЫ ШАРДАРА АУДАНЫНДА ӨТЕД

Құрметті Шардара ауданының тұрғындары!

2025 жылғы 23-24 шілде аралығында Қазақстан Республикасы Төтенше жағдайлар министрлігінің басшылығымен “Жер-2025” республикалық командалық-штабтық оқу-жаттығуы өтеді. Тақырыбы: «Азаматтық қорғаудың мемлекеттік жүйесін басқару органдарын, күштері мен құралдарын жойқын жер сілкінісі нәтижесінде туындаған төтенше жағдайларды жою кезіндегі іс-қимылдарға дайындау».

Оқу-жаттығу барысында құлақтандыру жүйелері тексеріледі, азаматтық қорғау қызметтерінің жедел әрекет ету қабілеті пысықталады.

23 шілде күні сағат 10:00-де электрдабылдар іске қосылады. Бұл – жоспарлы жаттығу шарасы екенін ескертеміз.

Оқу-жаттығуға қатысады:

азаматтық қорғау қызметтері мен басқару органдары;

авариялық-құтқару бөлімшелері;

медициналық, коммуналдық, көлік және өзге де қызметтер.

Оқу-жаттығудың негізгі мақсаты:

барлық деңгейдегі жергілікті атқарушы органдар мен қызметтердің өзара іс-қимылын жетілдіру;

авариялық-құтқару жұмыстарын тәжірибе жүзінде орындау;

мобильді госпитальдар мен эвакуациялық пункттерді орналастыру;

хабарландыру, эвакуация және жедел көмек көрсету жүйелерінің дайындығын тексеру.

Шардара ауданының Төтенше жағдайлар бөлімі тұрғындарды түсіністік танытуға және оқу-жаттығу барысында тыныштық сақтауға шақырады.

Барлық шаралар тұрғындардың қауіпсіздігін қамтамасыз етуге бағытталған.

Шардара ауданы әкімінің баспасөз қызметі