Жұмысшы мамандықтар жылы шеңберінде техникалық және кәсіптік білім беру жүйесінің ақпараттық картасы әзірленеді. Бұл платформа еліміздің колледждері туралы кешенді және өзекті деректерді бір цифрлық картада және ыңғайлы форматта ұсынады, деп хабарлайды ҚР Білім және ғылым министрлігі. Интерактивті карта пайдаланушыға қажетті аймақты тез таңдауға және аймақтағы колледждердің, студенттер мен оқытушылардың саны, жатақханалар, спорт залдары және басқа да нысандар, дайындық бағыттары мен мамандықтар тізімі туралы ақпарат алуға мүмкіндік береді. Платформа облыстар, аудандар, нақты колледждер және білім беру бағдарламалары бойынша икемді жүйемен жабдықталған. “Бүгінде мұндай ақпарат тек жеке платформаларда немесе жергілікті атқарушы органдардың сайттарында жиналады. Жаңа карта ел бойынша барлық деректерді біріктіреді және уәкілетті органдар үшін де, студенттер мен олардың ата-аналары үшін де пайдалы құрал болады”, – деді ҚР Білім және ғылым министрлігінің Техникалық және кәсіптік білім департаментінің директоры Әсет Мұханбетов. Қазіргі уақытта техникалық және кәсіптік білім беру картасының өзекті нұсқасы сайтта орналастырылған. Пилоттық жүйені іске қосу 2025 жылдың шілдесіне жоспарланған. Жүйе “Talap” КЕАҚ ресми сайтында және map.talap.edu.kz/map қол жетімді.
Источник : https://www.gov.kz/memleket/entities/aktobe-aktobe-shalkar/press/news/details/1029612?lang=kk
Добавить комментарий