Жаңалық

ҚР Оқу-ағарту министрлігі Қазақстан Республикасы Үкіметінің 2022 жылғы 13 маусымдағы №390 қаулысымен бекітілген мұғалімдер тапшылығы байқалған өңірлерге үздік педагогтерді тартудың тиісті қолдау шараларының пакеті бар арнаулы бағдарламасының қағидаларына сәйкес (бұдан әрі – арнайы бағдарлама) педагогтердің бос лауазымдарына конкурс жариялайды.

Конкурсқа тұрғылықты жеріне қарамастан, тиісті бейіндер бойынша жоғары педагогикалық, кәсіптік жоғары және (немесе) жоғары оқу орнынан кейінгі білімі бар (жоғары және (немесе) жоғары оқу орнынан кейінгі білім беру ұйымдарының базасында педагогикалық қайта даярлаудан өткен), “педагог-сарапшы”, “педагог-зерттеуші”, “педагог-шебер” біліктілік санаттары бар Қазақстан Республикасының педагогтері, сондай-ақ жоғары оқу орындарының педагогикалық мамандықтарының түлектері қатыса алады. (гуманитарлық бағыт бойынша үлгерімнің орташа балы (GPA) 3,5-тен төмен емес, жаратылыстану-математикалық бағыт бойынша үлгерімнің орташа балы (GPA) 3,2-ден төмен емес, сондай-ақ педагогикалық мамандықтар бойынша магистратураның үлгерімнің орташа балы (GPA) 3,4-тен төмен емес түлектер)

Конкурстың негізгі қағидаттары тұрғылықты жеріне қарамастан барлық үміткерлер құқықтарының теңдігі, үміткерлер арасындағы адал бәсекелестік, өткізудің объективтілігі, ашықтығы, жариялылығы болып табылады.

Қажетті мұғалімдер:

Орыс тілі мен әдебиеті -2 бірлік

Математика- 2 бірлік

Информатика – 1 бірлік

Байқау 4 кезеңнен тұрады:

1) Конкурс өткізу туралы хабарландыру;

2) құжаттарды қабылдау;

3) компьютерлік тестілеу және эссе;

4) әңгімелесу.

Конкурсқа қатысу үшін кандидат мынадай құжаттарды қоса бере отырып, өтініш жіберуі қажет: (Мұғалімдер тапшылығы байқалған өңірлерге үздік педагогтерді тартудың тиісті қолдау шараларының пакеті бар арнаулы бағдарламасының қағидаларына 1-қосымшаға сәйкес нысан бойынша)

1) жеке басын куәландыратын құжаттың көшірмесі;

2) білім беру ұйымы басшысының қолымен расталған еңбек қызметін растайтын құжаттың көшірмесі (бар болса);

3) ЖОО педагогикалық мамандықтарының түлектеріне арналған Білім туралы құжаттың көшірмесі немесе транскрипт (Transcript);

4) жоғары оқу орындарының педагогикалық мамандықтар түлектеріне арналған ұлттық біліктілік тестілеу сертификаты;

5) фотосуреті бар түйіндеме;

6) педагогтерге арналған білімі мен біліктілігі туралы құжаттың көшірмесі;

7) Электрондық форматтағы 3х4 көлеміндегі фотосурет;;

“Денсаулық сақтау саласындағы есепке алу құжаттамасының нысандарын бекіту туралы”Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген нысан бойынша денсаулық жағдайы туралы медициналық анықтама;

9) қосымша ақпарат (біліктілігін арттыру, академиялық және ғылыми дәрежелер беру, кәсіби жетістіктер мен жарияланымдар және т.б. туралы құжаттардың көшірмелері).

Құжаттарды қабылдау 2025 жылы 19-26 маусым аралығында жүзеге асырылады.

Конкурстық іріктеуден өткен және арнайы бағдарламаның қатысушысы болған педагогтерге, жоғары оқу орындарының педагогикалық мамандықтар түлектеріне лауазымдық айлықақының 150% – ы мөлшерінде қосымша ақыны қамтитын қолдаудың ынталандыру шаралары пакеті ұсынылады.

Құжаттарды turkistan.obl.aadb@gmail.com поштасына жолдау қажет

Қосымша ақпарат үшін байланыс сымтетігі:

+7 (776) 165 83 83

8 (72533) 5 94 37