Жетісу облысында терроризмге қарсы комиссиясының бастамасымен терроризмге қарсы қорғалу деңгейін арттыру мақсатында денсаулық сақтау саласындағы нысандар басшыларымен ақпараттық-түсіндіру кездесуі өтті.
Іс-шара ҚР ҰҚК облыстық департаменті өкілдерінің қатысуымен, облыстық денсаулық сақтау басқармасының мәжіліс залында ұйымдастырылды. Кездесу барысында террористік тұрғыдан осал объектілерді терроризмге қарсы қорғалуын ұйымдастыру бойынша салалық нұсқаулықтардың негізгі талаптары жеткізілді.
Атап айтқанда, қатысушыларға ҚР Денсаулық сақтау министрінің 2022 жылғы 3 мамырдағы № 40 бұйрығымен бекітілген, денсаулық сақтау саласындағы қызметті жүзеге асыратын ТТО нысандарында терроризмге қарсы қорғануды ұйымдастыру бойынша нұсқаулықтардың негізгі ережелері түсіндірілді.
Сондай-ақ, ҚР ҰҚК Терроризмге қарсы орталық штабы әзірлеген оқыту бейнематериалдары ұсынылып, жарылғыш заттардың ықтимал түрлері, террористік қауіп туындаған кездегі алғашқы әрекеттер бойынша жадынамалар таратылды.
Кездесу соңында қатысушылар тарапынан қойылған сұрақтарға сала мамандары толыққанды жауап беріп, пікір алмасу жүргізілді.
Материал Жетісу облысының ТҚК
аппаратының ақпараты негізінде дайындалды
Источник : https://www.gov.kz/memleket/entities/antiterrosticheskiy-centr/press/news/details/1019046?lang=kk
Добавить комментарий