Ұлытау облысында “Мемлекеттік тіл және БАҚ” облыстық байқауы өткізілді.

2025 жылғы 23 маусымда “Мемлекеттік тіл және БАҚ” атты облыстық байқауы өтті.

Аталған байқаудың басты мақсаты – мемлекеттік тіл саясатын бұқаралық ақпарат құралдары арқылы кеңінен насихаттау және қазақ тілінің өзекті мәселелеріне қоғам назарын аудару болатын.

Байқауға кәсіби журналистер, телерадио қызметкерлері, газет және сайт ұжымдары, сондай-ақ мемлекеттік тіл тақырыбында материал жариялаған облыс тұрғындары қатысты.

Байқау екі негізгі номинация бойынша өткізілді:
• «Үздік мақала»
• «Үздік теле/радио бағдарлама»

Жеңімпаздарды кәсіби әділқазылар алқасы анықтады. Жүлдегерлер төмендегідей марапатталды:

«Үздік мақала» номинациясы бойынша:

🥇 I орын — Наурызбаева Меруерт Тұяққызы (жүлде – 100 000 теңге)
🥈 II орын — Тлемисова Жаннұр Төлендіқызы (жүлде – 80 000 теңге)
🥉 III орын — Ғабдысаттар Маржан Ғабдулмәлікқызы (жүлде – 60 000 теңге)

«Үздік теле/радио бағдарлама» номинациясы бойынша:

🥇 I орын — Серекбаева Гүлшахира Әлібайқызы (жүлде – 100 000 теңге)
🥈 II орын — Төлегенова Алтынгүл Мәжікенқызы (жүлде – 80 000 теңге)
🥉 III орын — Қоғай Нұрай Мұхамедәлиқызы (жүлде – 60 000 теңге)

Барлық жүлдегерлерге арнайы дипломдар табысталды. Сонымен қатар, байқауға қатысқан өзге де үміткерлерге алғыс хаттар мен заттай сыйлықтар үйлестірілді.

Источник : https://www.gov.kz/memleket/entities/ulytau-cultura-arhiv/press/news/details/1024325?lang=kk