Жаз мезгілі – табиғатпен қатар қауіп те қатар жүретін кезең. Осы ретте 16 мамыр күні Январцев ауылдық округінде маңызды шара өткізілді: ауыл әкімдігі жанындағы ерікті өрт сөндірушілер құрамының жазғы өрт қаупі жоғары маусымға дайындығы тексерілді.
Іс-шараға Батыс Қазақстан облысы әкімінің көмекшісі Үтегенов Ернұр Сапарұлы, Бәйтерек ауданының төтенше жағдайлар бөлімінің басшысы Қашқынбаев Рауан Шарханұлы, сондай-ақ БҚО жұмылдыру дайындығы, аумақтық және азаматтық қорғаныс басқармасының өкілі Мұхтаров Әскер Самидоллаұлы қатысты.
Тексеру барысында ерікті құрамның техникалық жарақтандырылуы, жедел әрекет етуге дайындығы және тұрғындармен жүргізілген алдын алу жұмыстары назарға алынды. Қатысушылар арнайы техникалардың жағдайын көріп, жеке құраммен пікір алмасты.
Бұл шара – жай формалды тексеріс емес, ауыл қауіпсіздігінің нақты көрсеткіші. Әрбір дайындалған мотопомпа, әрбір оқытылған ерікті – тілсіз жаумен күрестегі сенімді тірек.
Источник : https://www.gov.kz/memleket/entities/bko-baiterek/press/news/details/1001695?lang=kk
Добавить комментарий