Жетісу облысында полиция қызметкерлері автожолдарда профилактикалық шараларды белсенді түрде жалғастыруда. Қабылданып жатқан ауқымды шараларға қарамастан, жекелеген жүргізушілердің жауапсыз әрекеттері жол қозғалысына қатысушылардың барлығына қауіп төндіріп отыр.
Жол-көлік оқиғаларының санын азайту мақсатында трассаларда патрульдеу күшейтіліп, ақпараттық акциялар өткізілуде — автокөлік иелеріне жолдағы қауіпсіздік ережелері жазылған арнайы жадынамалар таратылуда.
Полиция жүргізушілерді жауапкершілікті болуға шақырады. Рөлге отырған әрбір адам өз өмірімен қатар, өзгелердің өміріне де жауапты екенін ұмытпауы керек. Әсіресе шаршаған күйде, дәрі қабылдағаннан кейін көлік жүргізуге болмайды, сондай-ақ жолда келе жатып алаңдауға жол берілмеуі тиіс. Асығыстық, бейқамдық және жол ережесін сақтамау қайғылы оқиғаларға алып келуі мүмкін.
Полиция ескертеді: жолда денсаулық пен өмірді сақтау тек қана жол қозғалысы ережелерін қатаң сақтау арқылы мүмкін болады.
Ақпарат көзі : https://www.gov.kz/memleket/entities/mvd-zhetysu/press/news/details/1005310?lang=ru
Добавить комментарий Отменить ответ