Жаңалық

Опубликовано:

Автор:

в категории
ТҮРКІСТАН: САУРАНДЫҚ ЖАС СПОРТШЫ АЗИЯ ЧЕМПИОНАТЫНДА ЖҮЛДЕГЕР АТАНДЫ
Иорданияның Амман қаласында өткен бокстан жасөспірімдер арасындағы Азия чемпионатында Түркістан облысы, Сауран ауданы, Жүйнек ауылдық округінің тумасы, Жалил Абдуллаев атындағы мектептің 10-сынып оқушысы Анвар Идрисов жүлделі ІІІ орын иеленді.
Жас спортшы байрақты бәсекеде табандылық танытып, ел намысын абыроймен қорғады. Бұл жетістік – Анвардың спортқа деген адалдығының, жылдар бойы жасаған қажырлы жаттығулары мен еңбегінің жемісі.
Анвар Идрисовтың жеңісі – жеке жетістіктен бөлек, оның жаттықтырушылары, ұстаздары және отбасымен бірге туған ауыл – Жүйнек ауылы үшін де зор мақтаныш. Ауылдан шыққан жас спортшының халықаралық деңгейде топ жаруы – өскелең ұрпаққа үлгі, өңір жастарына шабыт береді.
Сауран ауданының әкімдігі Анвар Идрисовты, оның ата-анасын және бапкерін лайықты жеңісімен құттықтап, алдағы спорттық жолында сәттілік пен жаңа жетістіктер тілейді.
Түркістан облысы әкімінің баспасөз қызмет

Источник : https://www.gov.kz/memleket/entities/turkestan-kogamdyk-damu/press/news/details/989051?lang=kk


Комментарии

Добавить комментарий

Ваш адрес email не будет опубликован. Обязательные поля помечены *

Exit mobile version