Қосымша білім беру ұйымдарының оқушыларына арналған «Музыка әлемі» облыстық жас музыканттар байқауының аудандық кезеңі өтті.

Қосымша білім беру оқушыларының кәсіптік деңгейін көтеру, шығармашылық әлеуетін іске асыру, отандық білім берудің бәсекелестігін, тиімділігін арттыру және жас өнерпаздардың шығармашылық потенциалын ашып, музыка саласында кәсіби жетістіктерге жетуге ынталандыру мақсатында өткізілген шараға ауданымыздан 30 оқушы қатысты.

Байқау «Қазақ халық аспаптары», «Орыс халық аспаптары» номинациялары бойынша өткізілді. Қатысушылар байқау қорытындысы бойынша домбыра номинациясында орта топ бойынша I орынға Сақтар Мақсат, II орынға Жаксылыкова Нурай мен Есетов Алихан, ІІІ орынға Усмангалиева Гүлден, Битингалиев Алихан, Аскарова Айжамал иеленді. Ал үлкен топ бойынша I орынға Ажибаева Малика, II орынға Амангельди Арсен мен Мурзагалиев Бекежан, ІІІ орынға Рабаева Аяулым иеленсе, қобыз номинациясында орта топ бойынша I орынға Сапиева Назым, II орынға Жәрдемғали Хиуаз ІІІ орынға Сапарова Айкоркем ие болды. Домра-прима номинациясында орта топ бойынша Квакова Александра I орынға ие болды.

Барлық қатысушыларға алғысымызды білдіреміз, облысқа жолдама алған жеңімпаздарды құттықтаймыз.