Қауіпті өндірістік нысандардағы қауіпсіздікке жауапты адамның бір күні қалай өтеді? Әрбір шешімі адамдар мен қоршаған орта қауіпсіздігіне әсер етуі мүмкін мемлекеттік инспектордың жұмыс күндері туралы айтып береміз.
Мемлекеттік инспектордың жұмыс күні дайындықтан басталады — құжаттарды, тексеру жоспарларын және нысан туралы мәліметтерді зерделеу. Бүгінгі күн тәртібінде — арнайы мақсаттағы машиналар мен жабдықтарға жөндеу және техникалық қызмет көрсету жұмыстарымен айналысатын кәсіпорынға бару.
Нысанда инспектор жабдықтардың техникалық жағдайын, қызметкерлердің қажетті лицензиялары мен аттестациялар бар-жоғын, өнеркәсіптік қауіпсіздік талаптарының сақталуын тексереді. Авариялық қорғаныс жүйелерінің, сигнал беру құрылғыларының жай-күйіне және төтенше жағдайларда қызметкерлердің дайындық деңгейіне ерекше көңіл бөлінеді.
Егер қандай да бір бұзушылықтар анықталса, инспектор оларды тіркеп, кәсіпорын басшылығына тәуекелдерді жою бойынша кеңес береді. Оның міндеті — тек бақылау жүргізу ғана емес, сонымен қатар ықтимал апаттардың алдын алу.
Кеңсеге оралғаннан кейін тексеру нәтижелерін рәсімдеу жұмыстары жүргізіледі: акт жасау, нұсқамалар дайындау, мәліметтерді ақпараттық жүйелерге енгізу. Кейде жұмыс күні ұзарып кетеді, өйткені қауіпсіздік асығыстық пен формалдылықты көтермейді.
Мемлекеттік инспектор мамандығы — жоғары жауапкершілікті, ұқыптылықты және терең білімді талап ететін жұмыс. Оның еңбегі өндірістік процестердің тұрақтылығы мен адамдардың өміріне тікелей әсер етеді.
Алматы облысының ТЖД
Источник : https://www.gov.kz/memleket/entities/emer-alm/press/news/details/980392?lang=kk
Добавить комментарий Отменить ответ