ПРЕЗИДЕНТТІҢ КЕҢЕСШІСІ ТҮРКІСТАНДЫҚ ДІН ӨКІЛДЕРІМЕН КЕЗДЕСТІ
✔️Қазақстан Республикасы Президентінің кеңесшісі Мәлік Отарбаев дін өкілдерімен кездесті. Басқосуда Мемлекет басшысының қатысуымен өткен Ұлттық құрылтайдың төртінші отырысында көтерілген дін саласындағы өзекті мәселелер мен ұлттық құндылықтарды сақтау жолдары талқыланды.
✔️Кездесу барысында Қожа Ахмет Ясауи атындағы ХҚТУ-дың профессоры, ғылым докторы Досай Кенжетай, Түркістан облысының бас имамы Ержан Төлепов, Дін мәселелерін зерттеу орталығының директоры Медет Халықов сөз сөйлеп, ұлттық тұтастықты нығайту мақсатында дін мен руханият, салт-дәстүр және ұлттық құндылықтарды арттыру мәселесі басты назарда екенін айтып өтті. Кездесуге қатысушылар еркін пікір алмасып, дін саласына қатысты мазмұнды ойларын ортаға салды.
✔️Жиында сөз сөйлеген Мәлік Нұржанұлы Ұлттық құрылтайда көтерілген түйткілді мәселелерге тоқталып, осы дін арқылы қоғамның ішіне іріткі салатындарға жол бермеу керектігін жеткізді. Сондай-ақ бірлік пен ынтымақты нығайту, заң мен тәртіпке бағыну, қоғамдағы рухани тұтастықты сақтау, салт-дәстүрді сақтау, сапалы ұрпақ тәрбиелеу, қоғамдық сананы дамыту бағытында ойларын бөлісті.
Түркістан облысы әкімінің баспасөз қызметі
Источник : https://www.gov.kz/memleket/entities/turkestan-otyrar-baltakol/press/news/details/971733?lang=kk
Добавить комментарий