Бүгін Қосшы қаласы мәслихатының депутаты Мақсат Тәшенов қала әкімі аппаратының басшысы Нұрбол Өтебаев және бөлім басшыларымен бірге Жалмағанбет Қалиев көшесінің тұрғындарымен кездесу өткізді.
Тұрғындар тарапынан түскен шағым бойынша ұйымдастырылған кездесуде жолды асфальттау, көше шамдарын орнату, қоқыс шығару, қаланы газдандыру сияқты қаламыздың инфрақұрылымына қатысты мәселелер көтерілді. Қойылған сауалдарға жауапты бөлім басшылары жауап беріп, жұмыстардың атқарылатыны жайлы мәліметтерімен бөлісті.
Өз кезегінде депутаттық корпус атынан қатысқан Мақсат Еркінұлы тиісті депутаттық сауал жолданатынын, мәселенің шешілуін бақылауында ұстайтынын жеткізді.
Источник : https://www.gov.kz/memleket/entities/maslihat-kosshy/press/news/details/965451?lang=kk
Добавить комментарий Отменить ответ