Аудан әкімі Кенеш Алимжанов үкіметтік емес ұйымдардың (ҮЕҰ) өкілдерімен кездесу өткізді. Кездесу барысында ауданның дамуы, қоғамдық маңызы бар жобаларды іске асыру және жаңа бастамалар бойынша ашық әрі сындарлы пікір алмасу өтті.
Кездесу тәжірибе алмасуға, ҮЕҰ-дардың әлеуетін талқылауға және қоғамдық ұйымдардың ауданның дамуына үлес қоса алатын бағыттарын айқындауға мүмкіндік берді.
Кездесу барысында абаттандыру және көгалдандыру, волонтерлік қозғалысты дамыту, қалалық ортаға жауапкершілікпен қарау, сондай-ақ қаңғыбас жануарлар мәселесін шешуге ерекше назар аударылды.
Атап айтқанда, қаңғыбас иттерге арналған питомникті қала сыртында орналастыру қажеттілігі талқыланды. Бұл аталған мәселені жүйелі түрде шешуге және тұрғындардың жайлылығы мен қауіпсіздігін қамтамасыз етуге мүмкіндік береді. Сонымен қатар бұл мәселені шешу тек мемлекеттік органдардың ғана емес, қоғамның да белсенді қатысуын талап ететіні атап өтілді.
ҮЕҰ өкілдері өз ұсыныстары мен қаланы дамыту жөніндегі көзқарастарын ортаға салды. Олардың қатарында жаңа экологиялық және әлеуметтік бастамаларды жүзеге асыру, көгалдандыру және абаттандыру бойынша іс-шаралар өткізу, тұрғындарды волонтерлік қызметке тарту, сондай-ақ қараусыз қалған аумақтармен жұмыс жүргізу мәселелері болды. Мұндай аумақтарда қоқыстың жиналуы қосымша проблемалар туындатып, оның жануарлар арқылы жан-жаққа шашылуына себеп болып отырғаны да айтылды.
Кенеш Алимжанов кездесуге қатысушылардың ұсыныстарын мұқият тыңдап, қоғамдық бастамалардың маңыздылығын және халықтың өмір сүру сапасын жақсартуға бағытталған жобаларды қолдаудың қажеттігін атап өтті.
Кездесу қорытындысы бойынша тараптар бірлескен жұмысты жалғастыруға, өзара іс-қимылдың нақты бағыттарын айқындауға және ұсыныстарды жүзеге асыру бойынша ортақ жоспарлар әзірлеуге келісті.
Ауданның дамуы — баршамызға ортақ міндет. Мемлекеттік органдар, ҮЕҰ және тұрғындар күш біріктірген кезде, жақсы идеялар ауданымызды жақсартуға бағытталған нақты істерге айналады.
Источник : https://www.gov.kz/memleket/entities/aqmola-atbasar/press/news/details/1288373?lang=ru
Добавить комментарий